ກວດກາຄືນຂໍ້ມູນໄມ້ 20 ຕູ້ຄອນເທນເນີ
ວັນເສົາ, 27 ສ.ຫ 2016 08:20
ໃນວັນທີ 24 ສິງຫາ 2016 ສື່ມວນຊົນໄທ ໄດ້ອອກຂ່າວ ເຈົ້າໜ້າທີ່ພາສີ ແຫຼມສະບັງ (ຣາຊະອານາຈັກໄທ)
ໄດ້ກວດກາ ຕູ້ຄອນເທນເນີ ຈຳນວນ 20 ຕູ້ ທີ່ບັນຈຸສິນຄ້າ ຈາກ ສປປ ລາວ ຜ່ານດ່ານພາສີ ໜອງຄາຍ ແລະ ຂົນສົ່ງຜ່ານແດນໄທ
ໄປຍັງເຂດປົກຄອງພິເສດ ຮົງກົງ ສປ ຈີນ ເຊິ່ງຈັດສົ່ງ ແລະ ຂົນສົ່ງໂດຍ ບໍລິສັດ ເອເຊຍທານສະລາຍ ແລະ ເຈົ້າໜ້າທີ່ພາສີໄທ
ສົງໄສ ແລະ ໄດ້ກວດ ສອບ ເຫັນວ່າ: ຕູ້ຄອນເທນເນີດັ່ງກ່າວ ແມ່ນບັນຈຸສິນຄ້າປະເພດ ໄມ້ທ່ອນ ແລະ ໄມ້ແປຮູບ
(ໄມ້ຂະຍຸງ, ໄມ້ດູ່, ໄມ້ຊິງຊັງ) ເຊິ່ງບໍ່ກົງກັບເອກະສານ ແຈ້ງຂໍອະນຸຍາດຜ່ານແດນ ວ່າ ເປັນຖ່ານໄມ້ ແລະ ບໍ່ກົງກັບພາບເອັກສເລ
ທີ່ຕົ້ນທາງ ດ່ານພາສີໜອງຄາຍ ທີ່ລະບຸວ່າ ເປັນຖ່ານໄມ້.
ຕໍ່ການອອກຂ່າວດັ່ງກ່າວ, ເຈົ້າໜ້າທີ່ພາສີ ດ່ານພາສີຂົວມິດຕະພາບ 1 ແຈ້ງໃຫ້ຮູ້ວ່າ: ການກວດກາເບື້ອງຕົ້ນ ທາງດ້ານເອກະສານ ແລະ ຂໍ້ມູນບັນທຶກ
ໃນເຄື່ອງເອັກສເລ ຢູ່ດ່ານພາສີດັ່ງກ່າວ ໃນໄລຍະແຕ່ ເດືອນມິຖຸນາ ຫາ ວັນທີ 26 ສິງຫາ 2016 ແມ່ນບໍ່ມີຂໍ້ມູນ ການສົ່ງອອກ
ໄມ້ທ່ອນ ແລະ ໄມ້ຕີຕັບ. ແຕ່ມີການ ສົ່ງອອກຖ່ານໄມ້ ຂອງ 5 ບໍລິສັດ ລວມມີ 45 ຄັນລົດ ຊຶ່ງທັງ 5 ບໍລິສັດ ດັ່ງກ່າວ
ໄດ້ດຳເນີນຂັ້ນຕອນ ການສົ່ງອອກ ແລະ ປະກອບເອກະສານ ຖືກຕ້ອງຕາມລະບຽບການ ຂອງ ສປປ ລາວ. ປະຈຸບັນ, ເຈົ້າໜ້າທີ່ພາສີ ແລະ ພາກສ່ວນກ່ຽວຂ້ອງ
ກໍາລັງສືບຕໍ່ເກັບກຳ ກວດກາຂໍ້ມູນ ລະອຽດຕື່ມ. ຫຼັງຈາກນັ້ນ, ຈຶ່ງຈະໄດ້ມີ ການເຜີຍແຜ່ຂໍ້ມູນ ຕາມພາຍຫຼັງ.
ໃນເຄື່ອງເອັກສເລ ຢູ່ດ່ານພາສີດັ່ງກ່າວ ໃນໄລຍະແຕ່ ເດືອນມິຖຸນາ ຫາ ວັນທີ 26 ສິງຫາ 2016 ແມ່ນບໍ່ມີຂໍ້ມູນ ການສົ່ງອອກ
ໄມ້ທ່ອນ ແລະ ໄມ້ຕີຕັບ. ແຕ່ມີການ ສົ່ງອອກຖ່ານໄມ້ ຂອງ 5 ບໍລິສັດ ລວມມີ 45 ຄັນລົດ ຊຶ່ງທັງ 5 ບໍລິສັດ ດັ່ງກ່າວ
ໄດ້ດຳເນີນຂັ້ນຕອນ ການສົ່ງອອກ ແລະ ປະກອບເອກະສານ ຖືກຕ້ອງຕາມລະບຽບການ ຂອງ ສປປ ລາວ. ປະຈຸບັນ, ເຈົ້າໜ້າທີ່ພາສີ ແລະ ພາກສ່ວນກ່ຽວຂ້ອງ
ກໍາລັງສືບຕໍ່ເກັບກຳ ກວດກາຂໍ້ມູນ ລະອຽດຕື່ມ. ຫຼັງຈາກນັ້ນ, ຈຶ່ງຈະໄດ້ມີ ການເຜີຍແຜ່ຂໍ້ມູນ ຕາມພາຍຫຼັງ.
ຂ່າວຈາກ:www.laogov.gov.la
ໃຫ້ລາຍຮັບເພີ່ມຂຶ້ນ 50%
ໃຫ້ລາຍຮັບເພີ່ມຂຶ້ນ 50%
ແຕ່ນີ້ຮອດປີ 2020 ລັດຖະບານຊຸດໃໝ່ ໄດ້ຢືນຢັນທີ່ຈະສືບຕໍ່ແກ້ໄຂ ບາງບັນຫາຄົງຄ້າງໃນໄລຍະຜ່ານມາ ເພື່ອເຮັດໃຫ້ສະພາບການເງິນມີຄວາມຄ່ອງຕົວເປັນກ້າວໆ. ທັງນີ້, ເພື່ອຮັບປະກັນໃຫ້ຂະແໜງການເງິນຂອງປະເທດ ມີການປ່ຽນແປງໃໝ່ຢ່າງຮອບດ້ານ ໂດຍສ້າງໃຫ້ມີຄວາມໂປ່ງໃສ, ແກ້ໄຂປະກົດການຫຍໍ້ທໍ້ໃນທຸກດ້ານ ແລະ ຫັນໄປສູ່ຄວາມທັນສະໄໝ ໄປພ້ອມໆກັບການຂະຫຍາຍຖານລາຍຮັບໃໝ່ ທີ່ຄວບຄູ່ການຂຸດຄົ້ນແຫຼ່ງລາຍຮັບທີ່ບົ່ມຊ້ອນ ໃຫ້ມີການເພີ່ມຂຶ້ນຢ່າງຕໍ່ເນື່ອງ ແລະ ໝັ້ນຄົງ, ສາມາດຕອບສະໜອງ ຄວາມຮຽກ ຮ້ອງຕ້ອງການຂອງການພັດທະນາເສດຖະກິດ-ສັງຄົມ ແຫ່ງຊາດ, ສ້າງເງື່ອນໄຂໃຫ້ແກ່ການນຳເອົາປະເທດຊາດ ຫຼຸດພົ້ນອອກຈາກສະຖານະພາບດ້ອຍ ພັດທະນາ ໃນປີ 2020 ໂດຍຕັ້ງເປົ້າຈະເກັບລາຍຮັບໃຫ້ໄດ້ເພີ່ມຂຶ້ນ ຈາກ 5 ປີຜ່ານມາ ເຖິງ 50%.
ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ສະເໜີ ທິດທາງແຜນງົບປະມານແຫ່ງລັດ 5 ປີຄັ້ງທີ VIII (2016-2020); ແຜນດັດແກ້ງົບປະມານແຫ່ງລັດ ສົກປີ 2015-2016 ແລະ ແຜນງົບປະມານ 3 ເດືອນໄລຍະຂ້າມຜ່ານ ຕໍ່ກອງປະຊຸມຄັ້ງປະຖົມມະລຶກ ຂອງສະພາແຫ່ງຊາດຊຸດທີ VIII ວ່າ: ການຈັດຕັ້ງປະບັດງົບປະມານແຫ່ງລັດ ໃນໄລຍະ 5 ປີ ຜ່ານມາ ໄດ້ດຳເນີນໄປໃນເງື່ອນໄຂທີ່ສະພາບເສດຖະກິດຂອງໂລກ ແລະ ພາກພື້ນບໍ່ທັນຟື້ນໂຕ ແລະ ມີຫຼາຍດ້ານບໍ່ເອື້ອອຳນວຍ, ແຕ່ດ້ວຍການຊີ້ນຳ, ນຳພາຢ່າງໃກ້ຊິດຂອງກົມການເມືອງສູນກາງພັກ ແລະ ລັດຖະບານ ຈຶ່ງເຮັດໃຫ້ການຈັດຕັ້ງປະຕິບັດ ແຜນງົບປະມານແຫ່ງລັດໄດ້ຮັບໝາກຜົນດີພໍສົມຄວນ, ສາມາດຂຸດຄົ້ນເກັບລາຍຮັບເພີ່ມຂຶ້ນຢ່າງຕໍ່ເນື່ອງ, ຊຶ່ງສາມາດຕອບສະໜອງແຫຼ່ງທຶນຢ່າງພຽງພໍໃຫ້ແກ່ການພັດທະນາ ໂດຍສະເພາະແມ່ນສາມາດແກ້ໄຂໄດ້ລາຍຈ່າຍ ທີ່ເປັນບູລິມະສິດຂອງລັດຖະບານ ເປັນຕົ້ນລາຍຈ່າຍເງິນເດືອນ, ເງິນອຸດໜູນ, ລາຍຈ່າຍຮັບໃຊ້ວຽກງານປ້ອງກັນຊາດ-ປ້ອງກັນຄວາມສະຫງົບ, ລາຍຈ່າຍຊຳລະໜີ້ສິນຕ່າງປະເທດ, ໜີ້ສິນພາຍໃນ ແລະ ລາຍຈ່າຍອື່ນໆ.
ສຳລັບທິດທາງຂອງແຜນງົບປະມານແຫ່ງລັດ 5 ປີ ຄັ້ງທີ VIII ລາຍຮັບລວມແມ່ນຈະສູ້ຊົນສຸດຂີດໃຫ້ໄດ້ ທັງໝົດປະມານ 149,6 ພັນຕື້ກີບ ຢູ່ໃນລະຫວ່າງ 19-20%ຂອງລວມຍອດຜະລິດຕະພັນພາຍໃນ ຫຼື ຈີດີພີ, ທຽບໃສ່ໃນ 5 ປີ ຜ່ານມາເພີ່ມຂຶ້ນ 50%; ລາຍຮັບພາຍໃນ ແມ່ນຈະສູ້ຊົນປະຕິບັດໃຫ້ໄດ້ປະມານ 131,8 ພັນຕື້ກີບ ເພີ່ມຂຶ້ນ72% ແລະ ລາຍຈ່າຍສູ້ຊົນປະຕິບັດໃຫ້ໄດ້ປະມານ 176,4 ພັນຕື້ກີບ, ທຽບໃສ່ປະຕິບັດໃນ 5 ປີ ຜ່ານມາ ເພີ່ມຂຶ້ນ 48,7% ແລະ ໃນ 5 ປີຂ້າງໜ້າ ຈະຄຸ້ມຄອງບໍ່ໃຫ້ເກີນ25% ຂອງ ຈີດີພີ. ສະເພາະລາຍຈ່າຍເງິນເດືອນ ຄາດຄະເນປະມານ 60 ພັນຕື້ກວ່າກີບ ກວມ 8% ຂອງຈີດີພີ, ທຽບໃສ່ 5 ປີຜ່ານມາ ເພີ່ມຂຶ້ນ 85% ໂດຍເລີ່ມແຕ່ສົກປີ2017 ເປັນຕົ້ນໄປ ຈະປັບປຸງດັດເພີ່ມສະນີເງິນເດືອນໃຫ້ບໍ່ຫຼຸດອັດຕາການເຕີບໂຕຂອງເສດຖະກິດໃນແຕ່ລະປີ ຫຼື ເພີ່ມດັດສະນີເງິນເດືອນປີລະ 500 ກີບ ກວມເອົາໂດຍສະເລ່ຍ44,3% ຫຼຸດລົງຈາກ 58% ຂອງລາຍຮັບພາຍໃນ ໃນສົກປີ 2012-2013 ແລະ ໃນໄລຍະ 5 ປີຂ້າງໜ້າຈະຄຸ້ມຄອງບໍ່ໃຫ້ເກີນ 45% ຂອງລາຍຮັບພາຍໃນ ທັງຮັບປະກັນການຂາດດູນບໍ່ໃຫ້ເກີນ 5% ຂອງຈີດີພີ ປະມານ 26,8 ພັນຕື້ກີບ, ລື່ນປະຕິບັດໃນ 5 ປີຜ່ານມາ 7,8 ພັນຕື້ກີບ ຫຼື ເທົ່າກັບ 41%.
ສ່ວນການຈັດຕັ້ງປະຕິບັດວຽກງົບປະມານແຫ່ງລັດ 6 ເດືອນທ້າຍປີ 2015-2016 ໂດຍພື້ນຖານການຈັດຕັ້ງປະຕິບັດຕົວເລກຄາດໝາຍສູ້ຊົນ ຈັດເກັບລາຍຮັບໝົດສົກປີ ແມ່ນຈະສາມາດຈັດເກັບລາຍຮັບທັງໝົດໄດ້ພຽງ 23.700 ຕື້ກີບ ເທົ່າກັບ 90,6% ຂອງແຜນການປີ. ດັ່ງນັ້ນ, ອີງຕາມມາດຕາ 46 ແລະ ມາດຕາ 54 ຂອງກົດໝາຍວ່າດ້ວຍງົບປະມານແຫ່ງລັດ ສະບັບປີ 2006 ກໍລະນີຄາດຄະເນ ການປະຕິບັດລາຍຮັບບໍ່ສາມາດປະຕິບັດໄດ້ຕາມແຜນການ 5% ຂຶ້ນໄປ ກະຊວງການເງິນຕ້ອງສະເໜີຕໍ່ລັດຖະບານ ເພື່ອສະເໜີສະພາແຫ່ງຊາດພິຈາລະນາ ດັດແກ້ແຜນງົບປະມານແຫ່ງລັດ, ດ້ວຍເຫດນັ້ນ ຈຶ່ງສະເໜີສະພາແຫ່ງຊາດ ເພື່ອດັດແກ້ງົບປະມານແຫ່ງລັດ ສົກປີ 2015-2016 ຄື: ພິຈາລະນາດັດແກ້ຫຼຸດແຜນລາຍຮັບງົບປະມານພາຍໃນ ຈຳນວນ 2.459 ຕື້ກີບ ຫຼື ຫຼຸດຈາກ 26.159 ຕື້ກີບມາເປັນ 23.700 ຕື້ກີບ, ສ່ວນພາກລາຍຈ່າຍ: ສະເໜີສະພາແຫ່ງຊາດພິຈາລະນາດັດແກ້ ຫຼຸດແຜນລາຍຈ່າຍງົບປະມານ ຈຳນວນ 1.100 ຕື້ກີບ, ໃນນັ້ນ ດັດແກ້ຫຼຸດແຜນງົບປະມານເດືອນ, ເງິນທີ່ຄາດຄະເນບໍ່ໄດ້ນຳໃຊ້ຈຳນວນ 400 ຕື້ກີບ, ຫຼຸດຄັງສະສົມລົງ 200 ຕື້ກີບ ແລະ ຫຼຸດລາຍຈ່າຍລົງທຶນ 500 ຕື້ກີບ ແລະ ດັດແກ້ລາຍຈ່າຍສຳລັບເງິນເກີນແຜນຂອງທ້ອງຖິ່ນ ສົກປີ 2014-2015 ຈໍານວນ 272 ຕື້ກີບ. ສັງລວມແລ້ວ ແມ່ນຫຼຸດລາຍຈ່າຍລົງຈຳນວນ 828 ຕື້ກີບ ຫຼື ຫຼຸດຈາກ 31.946 ມາເປັນ 31.118 ຕື້ກີບ.
ຕໍ່ກັບແຜນງົບປະມານ 3 ເດືອນໄລຍະຂ້າມຜ່ານ ທ້າຍປີ 2016 ປ່ຽນສົກງົບປະມານມາເປັນງົບປະ ມານຕາມປີປະຕິທິນ, ຄາດຄະເນລວມຍອດລາຍຮັບພາຍໃນ ຈະໄດ້ປະມານ 3.060 ຕື້ກີບ ສ່ວນດ້ານລາຍຈ່າຍ ໃນໄລຍະ 3 ເດືອນຂ້າມຜ່ານນີ້ ມີຈໍານວນທັງໝົດ 3.560 ຕື້ກີບ, ໃນນີ້ ລາຍຈ່າຍບໍລິຫານປົກກະຕິ 2.750 ຕື້ກີບ ແລະ ລາຍຈ່າຍໜີ້ສິນພາຍໃນ ແລະ ຕ່າງປະເທດ 810 ຕື້ກີບ.
ເພື່ອຮັບປະກັນໃຫ້ການຈັດຕັ້ງປະຕິບັດ ແຜນງົບປະມານແຫ່ງລັດ 5 ປີ ຄັ້ງທີ VIII (2016-2020) ບັນລຸຜົນສຳເລັດຕາມຄາດໝາຍທີ່ວາງໄວ້, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ກ່າວວ່າ: ພວກເຮົາຕ້ອງເອົາໃຈໃສ່ປະຕິບັດ ບັນດາມາດຕະການດ້ານການເງິນທີ່ສຳຄັນ ເປັນຕົ້ນ ປັບປຸງການສ້າງແຜນງົບປະມານແຫ່ງລັດ ຢ່າງມີວິທະຍາສາດ: ໂດຍເລີ່ມຈາກການຄົ້ນຄວ້າວິໃຈຂໍ້ມູນ ຢ່າງລະອຽດຖີ່ຖ້ວນ ແລະ ຊັດເຈນ ເພື່ອຄົ້ນຄວ້າວິໄຈແຫຼ່ງລາຍຮັບງົບປະມານ ໃຫ້ຖືກຕ້ອງ;ການສ້າງແຜນງົບປະມານຕ້ອງສອດ ຄ່ອງກັບແນວທາງຂອງພັກ, ນະໂຍບາຍຂອງລັດ, ຖືກຕ້ອງຕາມກົດໝາຍ, ສອດຄ່ອງກັບແຜນພັດທະນາເສດ ຖະກິດ-ສັງຄົມ ແຫ່ງຊາດ, ທີ່ສຳຄັນຕ້ອງຄຳນຶງເຖິງຄວາມສ່ຽງ ແລະ ການປ່ຽນແປງທີ່ອາດເກີດຂຶ້ນໃນອະນາ ຄົດ; ຍົກສູງຄວາມຮັບຜິດຊອບ ຂອງບັນດາຂະແໜງການ ແລະ ທ້ອງຖິ່ນ ໃນການສ້າງ ແລະ ປະຕິບັດແຜນງົບປະມານ ບົນຫຼັກການລວມສູນງົບປະມານແຫ່ງລັດ. ປັບປຸງການຄຸ້ມຄອງຂະແໜງການເງິນ ສູ່ທັນສະໄໝ ແລະ ມີປະສິດທິຜົນ: ໂດຍສືບຕໍ່ພັດທະນາໃຫ້ເປັນລະບົບຄົບຊຸດ ແລະ ລວມສູນ ດ້ວຍການລົງທຶນໃສ່ການພັດທະນາພື້ນຖານໂຄງລ່າງ, ລະບົບໂປຼແກມ, ບຸກຄະລະກອນ ທັງປະລິມານ ແລະ ຄຸນນະພາບ ເຮັດໃຫ້ການ ປະຕິບັດລາຍຮັບ-ລາຍຈ່າຍ ມີຄວາມໂປ່ງໃສ, ສະດວກວ່ອງໄວ, ສາມາດກວດກາໄດ້ ແລະ ຕ້ານປະກົດການ ຫຍໍ້ທໍ້ຕ່າງໆ; ປະຕິບັດວິໄນການເງິນຢ່າງຮັດກຸມ ເພື່ອຄຸ້ມຄອງລາຍຈ່າຍ ໃຫ້ເປັນໄປຕາມກອບແຜນການ ທີ່ ສະພາແຫ່ງຊາດຮັບຮອງ, ຍົກສູງປະສິດທິພາບ ການລົງທຶນຂອງລັດ ດ້ວຍການສ້າງກົນໄກຕິດຕາມ, ຄຸ້ມຄອງ ການຈັດຊື້-ຈັດຈ້າງ, ການກໍ່ສ້າງ ແລະ ສ້ອມແປງ ດ້ວຍທຶນຂອງລັດ ແລະ ແກ້ໄຂໜີ້ສິນຄຸມເຄືອ ໃຫ້ຫຼຸດລົງ ເປັນກ້າວໆ. ພັດທະນາວຽກງານຄຸ້ມຄອງລວມສູນງົບປະມານ,ພັດທະນາຂະແໜງການເງິນທ້ອງຖິ່ນ ຕາມສາຍຕັ້ງ ແລະ ທິດສາມສ້າງ: ໂດຍສະເພາະແມ່ນ 3 ຂະແໜງການ (ພາສີ, ສ່ວຍສາອາກອນ ແລະ ຄັງເງິນແຫ່ງ ຊາດ)ເພື່ອເຮັດໃຫ້ການເກັບລາຍຮັບເຂົ້າງົບປະມານຄົບຖ້ວນ, ມີປະສິດທິຜົນ, ການບໍລິຫານແຫຼ່ງເງິນຂອງລັດ ເຂົ້າລວມສູນຢູ່ຄັງເງິນແຫ່ງຊາດ; ປັບປຸງການແບ່ງຄວາມຮັບຜິດຊອບ ຄຸ້ມຄອງລາຍຮັບ-ລາຍຈ່າຍ ລະຫວ່າງສູນກາງ ແລະ ທ້ອງຖິ່ນ ໃຫ້ລະອຽດຈະແຈ້ງ ແລະ ຖືກຕ້ອງ ຕາມທິດ 3 ສ້າງ; ປັບປຸງກົນໄກການ ພົວພັນ ການເງິນ-ງົບປະມານ ລະຫວ່າງສູນກາງ ແລະ ທ້ອງຖິ່ນ ໃຫ້ເຊື່ອມຈອດກັນ ເພື່ອອັດຊ່ອງວ່າງການ ຮົ່ວໄຫຼ ດ້ານລາຍຮັບ-ລາຍຈ່າຍ. ພັດທະນາ ແລະ ປັບປຸງນິຕິກຳດ້ານການເງິນ ໃຫ້ເປັນລະບົບຄົບຊຸດ; ສ້າງການປະສານສົມທົບລະຫວ່າງ ຂະແໜງການເສດຖະກິດ ໃນລະດັບມະຫາພາກ; ປັບປຸງການຕິດຕາມກວດກາ ໃນການປະຕິບັດແຜນ ງົບປະມານແຫ່ງລັດ ຂອງບັນດາຫົວໜ່ວຍງົບປະມານທຸກຂັ້ນ ໃຫ້ເປັນປົກກະຕິ ແລະ ທົ່ວເຖິງ ເພື່ອຫັນການຄຸ້ມຄອງງົບປະມານ ເຂົ້າສູ່ລະບຽບການ, ປະຢັດ, ສະສົມທຶນ ຕິດພັນກັບຄຸ້ມຄອງລາຍ ຈ່າຍລົງທຶນກໍ່ສ້າງພື້ນຖານໂຄງລ່າງ ຢ່າງເຂັ້ມງວດ.
ທັງໝົດນັ້ນ, ແມ່ນທິດທາງແຜນການ, ຄາດໝາຍໃຫຍ່ສູ້ຊົນ ແລະ ມາດຕະການຈັດຕັ້ງປະຕິບັດດ້ານ ການເງິນ ເພື່ອເຮັດໃຫ້ວຽກງານການຄຸ້ມຄອງລາຍຮັບ-ລາຍຈ່າຍ ງົບປະມານ ແຫ່ງລັດ ໄປສູ່ລະບົບທີ່ຄົບຊຸດ, ທັນສະໄໝ, ໂປ່ງໃສ, ເຂັ້ມງວດ, ສາມາດກວດສອບໄດ້, ຖືກຕ້ອງຕາມລະບຽບກົດໝາຍ ແລະ ສອດຄ່ອງກັບສະພາບເງື່ອນໄຂຕົວຈິງ.ທັງນີ້, ກໍ່ເພື່ອແນໃສ່ຫຼຸດຜ່ອນຊ່ອງຫວ່າງ ໃນການສວຍໃຊ້, ຈຳກັດການຮົ່ວໄຫຼ, ສາມາດແກ້ໄຂໄດ້ປະກົດການຫຍໍ້ທໍ້ຕ່າງໆ ທີ່ສຳຄັນແມ່ນເຮັດໃຫ້ການປະຕິບັດ ແຜນລາຍຮັບບັນລຸຜົນສຳເລັດ, ສາມາດຕອບສະໜອງ ການປະຕິບັດແຜນລາຍຈ່າຍໄດ້ຢ່າງຂາດຕົວ ແລະ ກາຍເປັນເງື່ອນໄຂເອື້ອອຳນວຍໃຫ້ແກ່ການພັດທະນາ ວຽກງານຮອບດ້ານຂອງປະເທດ ໃຫ້ມີຄວາມໜັກແໜ້ນ, ເຂັ້ມແຂງ ແລະ ກ້າວໄປສູ່ຄວາມຈະເລີນສີວິໄລຢ່າງບໍ່ຢຸດຢັ້ງ.
ແຫລ່ງ: ສຳນັກງານນາຍົກລັດຖະມົນຕີ
没有评论:
发表评论